- радиомаяк
- өз бетінше әрекет ететін немесе радионавигациялық жүйелердің құрамына кіретін дәл белгілі координаттары бар навигациялық, хабар беруші радиостанция. Ұшу аппараттарының, кемелердің немесе басқа да жылжымалы объектілердің бортында Р. белгісін қабылдай отырып, олардың Р-қа (пеленгке) бағытын анықтауға, қозғалыс бағытын бақылауға болады. Жер қабаттарының әр түрлі нүктелерінде орналасқан екі немесе үш Р. бір уақытта пеленгтеу кезінде борттық радионавигациялық аппаратура қондырылған объектінің орнын анықтайды. Арналуы бойынша Р. навигациялық бақылау пункттерін (мыс., ұшақтың қонуды бастауын және кемелердің портқа жақындауын, бағыттардың бұрылыс пункттерін немесе фарватерлерді т.б.) белгілеуге арналған маркерлік, кеңістіктің көлденең (бағыттық Р.) немесе тік (жолақтарда белгіленген) бағыттарды тапсыруға арналған бағыттық (алапты, сызықты), маршрут бойынша ұшу барысында, әуежай аудандарында және жақын алаптарында әуе қозғалысын реттеу жүйелерінде қолданылатын айналмалы сәулелену (тұтастай бағытталған және секторлы) болып бөлінеді. Р-тың бағытты және бағыттық емес түрлері болады. Модульденбеген немесе тональдық-модульді белгі беруші біріншілері ұшу аппараттарында радиопеленгаторлардың бар болуы Р. бағытты анықтауға мүмкіндік береді. Екіншілері белгіленген тар секторларда белгі береді.
Казахский толковый терминологический словарь по военному делу. — Мектеп.